خروجه جامده ..

سنه دراسيه 8 شهور


طوووول السنه بطيخ

اخر شهر هو اللى مذاكره

وخش عالامتحان

ويوم الامتحان يهان المرء او يهان

******



يجى الصيف

الاجازه

الحريه

الفراغ

النوم طول النهار والهر طول اليل

العربده

والعربده تحلى مع الشله العواطليه

*********

بررررررم برررررررررررررم
برررررررررررررررررررم

اللو مين؟

انت صحيت يا حيوان

عايز ايه يا سى زفت بتصحينى ليه

صح الموت يا خويا قوم ياعم الجته الساعه داخله على 4

4 الفجر؟؟؟؟؟؟؟

لا طبعا العصر يا نانوس عين مامته هو احنا بنصحىابل كده يا خفيف

العصر وبتصحينى ليه يا جزمه و منغير رباط اقفل وسبنى انام
اسمع يا بوز الاخص ده انا محضرلك بروجرااااام

للخروجالنهارده انما ايه ميخرش المايه

ميخرش الميه؟قول يا عم الطشط


-شوف سيدى.. اولا هنطلع على حتة كافيه فى المعادى لسه فاتح جديد
انما ايه جامد طحن فحت رزع ضرب

هو المينيمام 55 جندى ( 55 جنيه يعنى ) معلش انا عارف انه غالى شوية لكن اييييييه مش هتصدق عندهم شيشة بجميع انواع الفاكهة الصيفية والشتوية والربيعية والخريفية والدقهلية وشك فى الحيط وقفاك ليا

-ايوة بس ده مبلغ وقدره.. هنجيبه منين يا سبع البرومبة

-متخاااافش عااااااااامل حسابى
عااااااااامل حسابى.. مانا هاكلم الوالا تامر الفنجرى بق ابن الغنية ده اللى خرج معانا المرة الفاتت
و نبرشط عالواد.. مش بقولك بروجورام ميخرش المية.. ن ااااااهاهاهاها.. ن ااااااااهاهاها

-خلاص يا عم العفريت خرمتلى ودنى بال الحمارة بتاعتك دى
طب ومين تانى هييجى

-استنى اكملك البروجوورام.. هنطلع م الكافيه ع الساعة 12 كده

-هنطلع طبعا مش شايفين قدامنا والدخان طالع من وداننا
-ماتخاااااافش عااااامل حسابى.. انا بقى عارف الجو ده طالبة معاه .. أحدث أفلام الوالا سعد الصغنـن "لخمة راس"

فيلم هااااااااايل هندخله حفلة ميدنايط..

-طب والاكل يا عم البروجراامر

-متخااااااافش و الله عاااااااامل حسابى.. هنطلع من الفيلم جاعنين طبعا.. وفيه مننا اللى رجع وجاب اللى فى بطنه فى الكافيه وفيه اللى رجع فى السيما
احنا لسه طالعين من " لخمة راس " يبقى لااازم ناكل لحمة راااااااااس
هنطلع على عم عبده تلوث ندب الأكلة التماااااام
مش بقولك عامل حسابى... ن ااااااااااااااااااااااااها
-خلاص خلاص طب وبعد ما ناكل ونرجع اللى كلناه هنعمل ايه يا فكيك؟

-عيب يا شقيق عيب يا مان عيب يا كوتش عيب يا كوبلن.. ودى تفوتنى بردو

هنعمل الحاجة اللى لا تخلو منها اى خروجة شبابية تكون تماموووز.. هنطلع على أى موووول نتلطع قدام البوابة نعاكس فى مخاليق ربنا
و يمكن ربنا يكرمنا ونختم اليوم اللظيظ ده بخناقة


- كلم باقيت الاوغاد بقى وقلهم يبقوا يجيبوا بطايقهم معاهم عشان احتمال نبات فى القسم الليلة دى

-اكلم مين يا منيل انت.. العيا ل مترصصة ع القهوة مستنين اما اصحيك يللا قوم يا مدهول على عينك

-طب بقولك .. عايز اسالك على حاجة من اول المكالمة

هو مين معا يا؟

- ايه الخفة دى؟احنا هنهظر ولا ايه ؟ انا عمك وتاج راسك يا ض

-عمى انا ابو مالوش اخوات ولاد..

-انت هتقوم ولا اجيلك البيت اقرفك فى عيشتك؟

-لا لا متجيش انت عارف ان امى مش بتطيق تسمع سيرتك

-مانا عارف, ماهو امى انا كمان مباتطقش تسمع سيرتى..

المهم خلص بقى وانجز

سلالم

-سلاحف
و كل يوم على كده لحد ما الاجازة تخلص

و الدراسة تدخل.. والبطيخ يشتغل

و تيجى الاجازة اللى وراها وهلوما جرجر

و لا حياه لمن تنادى

اه انتي بتديني افكار جامده علشان اانا هاخد الاجازه وهسقط وبتاع وهصييييييييييييع بقى

ماشي ماشي يابرنس لما نشوف

ومرسيه على المرور يا سيدي

هههههههههههههههههههه
تسلم ايدك ياريري امتى الواحد ياخد الاجازة بقى
ههههههههههههه

اه والله انا كمان هموت واخد الاجازه

اصلي ثانويه بقى ((ربنا ما يوريكوا ))

يسلام مفيش احلة من الصياعة الابدية والواحدج بنفض

ايه الدماغ العاليه دي يا كبير