بسم الله الرحمن الرحيم
النهارده هنحكي جزء من ذكريات حبيبنا صاصا (PRINCE)
***********************************
نبدأ بيه وهو صغير من أيام المدرسة
اليوم الأول
صحي مصطفى من النوم متأخر كالعاده طلع يجري على الحمام يغسل وشه لقي الميه قاطعه
(قال الواد بيغسل وشه يعني )
قام طلع جري ع الاوضه عشان يلبس هدومه بسرعه ويلحق المدرسه
قعد يدور يدور يدور يدور
مش لاقي حاجه
مصطفى: راحو فين نصيبه دول مانا كنت ملقحهم هنا امبارح
بعد اما داخ وملقاش حاجه
ضرب اي بنطلوان علي اي قميص وماخدش باله من الالواون
(البنطلون احمر والقميص اخضر)
الواد شياكه اوي
وقام رزع اي كتاب ف الشنطه وجررررررررري ع تحت
وبعد اما نزل من بيتهم ومشي ف الشارع
لقي نفسه بششب الحمام
(بيكمل الشياكه بقي)
ولا فارقه معاه
وشعره منكوش وحالته بالبلا
قام متشعلق ف اي ميكروباظ قابله والدنيا كانت زحمه
دخل الواد بضهره وقام اتلقح ف اي مكان
بعد شويه لقي اللي هو قاعد عليه بيتهز
بيبص يشوف نفسه قاعد علي ايه
لقي نفسه قاعد علي رجل ست عجوزة بتقوله
تعالي يا حبيبي ف حضن ماما
قام الواد مصرررررررررررررررخ(جاله صرع ياعيني وده سبب اللي هو فيه دلوقت)
وقال وقف ياسطططططططططططططططططي
وقام اترمي من الميكروباظ وكملها للمدرسه متورجل
وهو داخل يتسحب عشان ماحدش يحس بيه الناظر قفشه ونادي عليه
الناظر:تعالي هنا يا واد انت
مصطفى: انا يا استاذ
الناظر:ايوة يا معفن هو فيه غيرك
مصطفى:اصطبحنا وليه الغلط بقي ع الصبح
الناظر : بتقول ايه ياض
مصطفى: ولا حاجه يا عم انت بتنادي عليا ليه عايز مني ايه ف اليوم الاسود ده
الناظر : نهارك مش فايت انت بتقولي انا كده
مصطفى: يادي الليله الطين وانا كلمتك يا عم الحاج
ايه البلاوي دي
الناظر: لا ده انت زودتها اوي
انت بقي تلملي زباله المدرسه كلهاااااااا
مصطفى: ليه مالقتش زبال غيري وبعدين انا مالي انا
اوسخ هدومي النضيفه دي ليه
الناظر: نضيفه !!! ايه اللي انت لابسه ده اساسا جايلي ببنطلون مرقع وقميص طالع من بق كلب
الله الله وشبشب الحمام كمان
مصطفى: لا انا مش جايلك انت انا متشيك ولابس كده عشان رايح اقابل الحته بتاعتي بعد المدرسه
الناظر :حته مين يا ولا
مصطفى: ياااااااااااه اقرفونا بقي اما انتوا مش بتفهموا بتسالولنا ليه
الناظر :طيبببببببب غور من قدامي نص ساعه والاقي المدرسه مافيهاش ورقه ع الارض
ومش الناظر وساب مصطفى محتاس
مصطفى ف سره
(في داهيا جاتك القرف وانت شبه اللي علي علبه اللبن كده )
مصطفى: هو يوم اسود مطين بطين باين من اوله
اعمل ايه انا دلوقتي
استعنا ع الشقا بالله
وبدا يلم زباله المدرسه
وقعد يغني
(براغييييت داخلالي جوايا00عملالي حبايا00طالعالي ف قفايا00 جبتلها مرهم تراميسين00وأه من اللى بتعملوه فينا يا مدرسين00 مش حاسيين بقمتى يامعفنين )
سمع مدرس الفصل صوته
قال:مين الحمار اللي بينهق ده
طلع يشوف لقي مصطفى منسجم اوي وهو بيلم الزباله
المدرس: تعالي هناااااااااااااا يا واد انت
مصطفى: وده ماله ده كمان متزرزر ليه شكل مراته ضرباه علي الصبح
الاستاذ : بتقول ايه يا زفت يازبال انت
مصطفى: ولا حاجه يا استاذ انت عايزني ليه
الاستاذ: عايزك عشان تبطل نهيق يلا علي الفصل ياخويا جاتكم القرف مليتو البلد
مصطفى: يوووووووه وليه الغلط بقي هو انا شتمتك انت بتشتم ليه دلوقت ماحدش مالي عينك والا ايه
الاستاذ : بتقول ايه ياض
مصطفى: ابدا يا استاذ انا بقول حاضر
الاستاذ : طب يلا اترزع ياخويا اتلقح ف اي نصيبه تاخدك
ودخل مصطفى الفصل واصحابه كلهم بيضحكوا عليه
وبدأ الاستاذ يشرح علي السبورة
وشويه وسمع صوت
خخخخخخخخخخخخخخخخخخخخخخخخخخ
بيبص وراه لقي مصطفى نايم وبيشخر
قام رايح جايبه من قفاه
الاستاذ : انت نايم كمان ياخويا ملجأ هنا للمتشردين اللي زيك
مصطفى: يووووه الله بقي ما تسبني انام تحب أقولك حاجة أه هنا فعلا ملجأ للمتشردين اللى زيى
الاستاذ : قووووووووووم فز شكلك مش جايبها لبر
صحي مصطفى من النوم
مصطفى: فيه حاجه يا استاذ
الاستاذ :لا سلامتك ياخويا انت نايم ف الحصه يا ولا
مصطفى: انا لالالالالا ابدا يا استاذ
الاستاذ : ده انت نايم وبتشخر كمان امال صوت شكمان العربيه البايظ ده طالع من مين مني انا
مصطفى: يمكن
الاستاذ: ايييييييييييه ياض بتقول ايه
مصطفى: ولا حاجه ولا حاجه
انا فايق اهه يا استاذ وصاحي وزي الفل
الاستاذ: بقي كده طيب يلا يا فل روح حل المساله دي
مصطفى(في سره): يانهااااااااار مدوحس مساله ايه هو احنا ف حصه ايه اساسا
طلع مصطفى ع السبورة يتمختر ووقف يبص ف المساله
مصطفى: انا بشبه ع المساله دي شوفتها فين قبل كده
فين فين فين فين يا صاصا
ايوة ايوة ايوة ايوة
المساله دي كانت ف مجله منتدى شبابيك قسم الطبيخ العدد اللي فات
انا عاااارف الحل
الاستاذ: ايه الحل يا خفيف
مصطفى: الكوسه
الاستاذ : كوووووووووسه اما تاخدك من وشي
انت جبتلي السكر يا ولا
مصطفى: طيب فين الفلوس بقي
الاستاذ : فلوس ايه ياض
مصطفى: مش بتقول جبتلك سكر ايه هتاخده من ببلاش هات تمنه بقي
الاستاذ : اااااااااااااااااااااه انت عايز تعمل فيا ايه ماتورنيش وشك تاني
مصطفى: خلاص الحصه الجايه هاجيب وش اخويا معايا احتياطي برده وكمان مش حضرتك اللى أتزفت وندتلى وأنا منسجم كنت لازم تضيع عليا مزاجى
الاستاذ : امشىىىىىىىىىىىىىىىىى
خرج مصطفى من الحصه مش عارف يعمل ايه
خطر في باله فكره
اهرب من المدرسه والعب شويه كورة وارجع
مصطفى: يا سلام علي افكارك يا واد يا صاصا يا حلو انت
نط مصطفى من ع السور وطلع يلعب كورة ف الشارع اللي جنب المدرسه مع العيال
وهو بيشوط الكورة جات ف ازاز بيت كسرته
مصطفى: بسسسسسسسسسسس كملت
استني حد يطلع يزعق والا يعمل حاجه ماحدش نطق
مصطفى: الحمد لله ماحدش خد باله
وراح جاب الكورة عشان يكمل لعب
بيبص وراه لقي وليه عامله زي الحيطه
الست : انت بقي اللي كسرت الازاز
مصطفى: لالالالالالالالالالالالالالا مش انا مش انا
الكورة اللي جات لوحدها ف الازاز
الست: نعم يانانوس عين ماما ياخويا
بررررررررررررررررررررررررررررررب
وقضي مصطفى بقية اليوم ف مستشفي العظام
الف سلامه عليك يا صاصا
مع تحياتى بالشفاء العاجل شرشر
يارييت أسمع أحلى ردود وأنتظرونى فى اليوم القادم مع حلقات التشرد
عدل سابقا من قبل pop في الأحد أغسطس 16, 2009 4:10 am عدل 2 مرات